الثلاثاء، 26 سبتمبر 2017

كل ما يخص سيارة سوزوكى فان 7 راكب Suzuki van مميزات وعيوب ومشاكل وتقسيط وسعر

سيارة سوزوكى فان 7 راكب suzuki van
suzuki-bolan-2012-silver-color.jpg (720×446)
شركة سوزوكى اليابانية العريقة فى سيارتها سوزوكى فان 
10398706_623730021078796_8123746709687012810_n.jpg (667×667)

فسواء كنت تبحث عن سيارة عائلية لعائلتك كبيرة العدد 
او تبحث عن سيارة جديدة لتبدأ بها مشروعك الجديد سواء فى نقل البضائع او نقل الطلاب او خلافه 
فان سوزوكى فان ستساعدك فى كل ذلك حتما باذن الله .

small_img_c6b2b12cc3728cb6746b1dfdcab45b9f.jpg (264×189)
مواصفات سوزوكى فان 7 راكب
الشكل الجديد و الحديث للسيارة تتمتع فيه بالذوق و الشياكة و الجسم الانسيابي من الامام
هيكل السيارة : فان
سعة محرك السيارة : 1500 / 1600 لتر
الماتور : يابانى الصنع
سعة خزان الوقود : 46 لتر
الطول / العرض / الارتفاع : 4,155-4,230 / 1,655 / 1,860-1,880
عدد الركاب : 7 / 8
عدد الوسائد الهوائية : 2
الدفع خلفىناقل الحركة يدوى خمس سرعات
السيارة كفاءة و قدرة عالية
عدد السلندرات للسيارة 4 سلندر
وجود مساند امامية و حامل اكواب
وجود درج امامى للسيارة
الجنوط اسبور مقاسها 13
السعة اللترية للسيارة 1000
يمكنك اضافة لها جنوط وكاوتش عريض عن الموجود بالسيارة و هذا التعديل منك سيزيد الثبات بالسيارة

suzuki-bolan-2012-front-wallpaper.jpg (450×373)
الوان سوزوكى فان 7 راكب  Suz
ابيض – اسود – كحلى - نبيتى

Suzuki-Van.jpg (720×446)

وكلاء بيع سيارة ميكروباص السوزوكي الفان 7 السبعة راكب

معرض المصرية
معرض سيارات القاضي اوتوموتيف
معرض سيارات القرش جروب El Kersh Group
معرض سيارات الجندي موتورز El Gendy Motors
و غيرها من المعارض

suzuki-bolan-van-2011-model.jpg (450×300)
سعر سيارة سوزوكى فان 7 راكب Suzuki van فى مصر :
يبدأ سعر سوزوكى فان فى مصر من 59,000 جنيه مصرى وقد يختلف باختلاف الحالة والموديل وسنة الصنع .
van_701019.png (400×171)
طريقة تقسيط سيارة سوزوكى فان 7 راكب Suzuki van 
دافع المقدم المتفق عليه وتحديد قيمة القسط الشهرى مع المعرض
نروح اى بنك متاح فيه نظام تقسيط السيارات به
الأوراق المطلوبة
1- صورة بطاقة ليك و صورة بطاقة للضامن (اي حد موظف أو غير موظف مش مهم)
2- صورة رخصة القيادة بتاعتك (خاصة أو مهنية)
3- ايصال نور او غاز باسمك (لو مأجر يبقى عقد الايجار عليه اثبات تاريخ + وصل نور او غاز لصاحب الشقة)
4- عرض سعر من المعرض بسعر العربية (البنك بيقولك هو بيتعامل مع انهي معرض في المنطقة بتاعتك )
5- 50جنيه مصاريف استعلام
بتقدم كل الورق ده للبنك و في خلال اسبوعين (البنك اجراءاته بطيئة حبتين) بيكون معاك الموفقة و المعرض يشتريلك العربية
طبعا بيبقى فيه مصاريف إدارية في حدود 950 جنيه + وثيقة تأمين ع العربية في حدود 3000 جنيه
غير مصاريف الترخيص في حدود 800 جنيه لأول مرة من غير اكراميات
rear_end.jpg (1079×762)
للمهتمين لمحافظة على سوزوكى فان 7 راكب Suzuki van
من خبرات المتخصصين و المحترفين ومالكى سوزوكى فان 7 راكب Suzuki van
فيه كام حاجة لازم تتعمل في العربية منها حاجات مهمة جدااااا ولازم قبل ما تمشي بيها تتعمل
1- اهم حاجة لازم تعمل فرش جلد للعربية بالكامل فيه نوع نضيف بيكلف 300 جنيه بالمصنعية (3 متر جلد + متر تجليد ) و بتختار اللون اللى انت عايزة.
2- الكراسي بتاعت العربية كلها قلاب لازم تركب لها جلد على الحديد بتاعها عشان ما تطبقش الصاج مع الالرفع و التنزيل و اوزان الركاب
دول أهم حاجتين لازم يتعملوا قبل ما تمشي بالعربية
فيه شوية حاجات تانية بقى على حسب ظروفك
1- العربية مش بتاعت غرز إلا في أضيق أضيق الحدود (خلى بالك جداااااااا و انت سايق )عشان من أقل حاجة ممكن تلاقي العربية نايمة على جنبها و عشان جدا بتركب جنوط مقاس 175/70-65 R13 u ده احسن مقاس عايز بقى تزود انت و دماغك.
2- كاتيرات بلاستيك للأربع رفارف الواحد 60 جنيه من غير التركيب.
3- عتب للأبواب الجانبية عشان الناس تعرف تركب عشان العربية عالية.
4- ممكن تركب حتة خشب كونتر بطول العربية عشان الكراسي ما تعلمش في الصاج او فيه جلد نفس السمك بتاع الخشب (بس انا لسه معملتش كده و معرفش الجلد ده بيتباع فين.
5- فيه ناس بتحط خوصة حديد تحت البلية بتاعت الباب الجرار عشان البلية بتاكل الصاج
6- خوصة حديد بعرض العربية تركب عليها مفصلات الكراسي عشان الحمل ممكن يخرم صاج العربية
7-ممكن تركب ديفيندر أمامي و خلفي للأمان لأن أقل خبطة هتلاقي العربية اللى خبطتك قاعدة جنبك ع الكرسي (وربنا يستر طريقنا)
8- فرش للكراسي (هو عامة الفرش الأصلي جلد ممكن تمشي بيه نفسك
9- سوست ورق خلفية للتقوية (عشان الأحمال الزيادة)
ده يعتبر أهم متطلبات العربية ولو انالحاجات دي مش مهمة أوي زي فرش الأرضية
suzuki-bolan-2012-white-color.jpg (720×446)

نيجي بقى لركوب وسواقة العربية سوزوكى فان 7 راكب Suzuki van
العربية أول ما هتيجى تركبها في المعرض مش هتعرف تسوقها بس في ظرف 2 متر هتلاقي نفسك اتعودت عليها ولا كإنك راكب عجلة
سواقتها بسييييييييطة جدااااااااااا
مفيش كبود مفيش شنطة
المرايات تحفة و كاشفة الطريق كله
الأنوار إلى حد ما كويسة داخل المدينة
طبعا العربية مفيهاش أي كماليات خااااااااااالص
مفيش أي وسائل أمان اللهم إلا الحزام فقط
Suzuki-Bolan-Van-Carry-Daba-2016-Picture-Specs-and-Shape-Rate-Prices.jpg (542×433)

المميزات سيارة سوزوكى فان 7 راكب suzuki van
1- العربية جراية لو فاضية (و هتجيب معاك لحد 80-90 ) انا مبزودش عن كده لأني بخاف أجري بيها و كمان انا لسه مغيرتش الجنوط
2- العربية بالطول واسعة يعني فيه مكان كويس لرجليك لو قاعد في الكرسي الاوسط او الخلفي
3- استهلاك البنزين معقول جدا حوالي 10.43 كيلو/لتر (لاحظ ان العربية بتكون محملة)
4- بتخش في أي حتة مهما كانت ضيقة و سهلة جدا في الركن و التحكم فيها
5- قطع غيار رخيصه جدا جدا
6- اعتماديه جدا فى السفر
7- عاليه عن الارض عمرها محكت فى اى مطب مع الحموله الكامله بس لازم تغير الجنوط بجنوط اسبور 13 والكاوتش مقاس 175/70
8- حجمها صغير وسهل جدا سواقتها فى الاماكن الزحمه وممكن تركنها فى اى حته
suzuki-bolan-van-2011-wallpaper.jpg (450×394)
العيوب سيارة سوزوكى فان 7 راكب suzuki van
1- خفيفة جدااااااااااااا و بتتقلب بسهولة
2- مش بتاعت غرز (بس ممكن تشد عادي) بس غرز لأ
3- أقل عوجة في الأسفلت بتحس بيها لأنها سوست ورق و ربنا يكون في عون الناس اللى في الكنبة الخلفية
4- الأبواب لازم تترزع عشان تقفل كويس
5- ضيقة جدا في العرض 135 سم بسس
6- لو عاوز تسافر بيهاتخلي بالك لأن اي عربية هتعديك الهوا بتعاها هيلعب بعربيتك زي الورقة بالضبط
واى سوال احنا فى الخدمه
Men's Fashion Category

هناك 39 تعليقًا:

  1. انا خالي معاه نفس العربية وبسوقها منه وانت لخصت كل الي بيحصل معايا في العربية وانا سايقها بصراحة روعة تلخيص
    ك

    ردحذف
  2. ترخيصها لوسمحت سنه ولا ثلاث سنوات وبكام التكلفه

    ردحذف
  3. عاوز اعرف السياره المضبوطة
    لتر البنزين في السياره سوزوكي بيكسب كام كيلو

    وجزاكم الله خيرا

    ردحذف
  4. السلام عليكم
    حضرتك بتقول الكراسي بتاعة العربية كلها قلاب لازم نركب جلد على الصاج بيتباع فين الجلد ده علشان سألت كام سروجي ومش عارفينة
    ارجو الرد

    ردحذف
  5. ممكن اعرف التنجيد فين عشان اعمل عنده ويكون من طرفكم عشان ينفذ كل ال قولته عليه بالضبط

    ردحذف
  6. ولو حاعمل تنجيد زي ما قولتم كده السياره تاخد كام متر عشان اعرف إجمالي التكلفه

    ردحذف
  7. كام سعر السياره تقسيط وكام مقدم ولقسط كام و علي كام شهر

    ردحذف
  8. جميع اسعار كاش وتقسيط موديلات سوزوكى suzuki 2020 فى المعارض والوكيل الرسمى

    https://www.halt3alm.com/2020/01/suzuki-2020.html

    ردحذف
  9. ممكن اعرف نظام تقسيط البنوك ايه فيما يخص العربيات

    ردحذف
  10. اماكن معراض اللي في الاسكندريه

    ردحذف
  11. سياره ايه اللي 59الف الفان اليوم كل المعارض بتبيع 144الف جنيه انا اسف انت بتشتغلنا مفيش الاسعار دي شكرا

    ردحذف
    الردود
    1. ياباشا المنشور ده قديم بص علي التاريخ

      حذف
  12. لو سمحت عندي في العربيه 2011 سوذكي فان 7راكب كسر من جانب واحد في نمره الموتور الي تحت الكرسي اعمل ايه عند المرور ولا اعمل لحم عادي افيدونا ااااااابالله عليكم

    ردحذف
  13. كسر في جنب من نمره الموتور الي تحت الكرسي اعمل ايه افيدونا بالله عليكم

    ردحذف
    الردود
    1. تروح المرور و تطلب فخص العربية و توريهم الموتور و تطلب انهم يدمغولك رقم جديد ليه و بعد كده تروح تلحمه في اي مكان متخصص

      حذف
  14. السيارة بتاكل بنزين رهيب نعمل ايه حضرتك موديل ٢٠٢١ ولسه زيرو افيدونا بالله عليكم

    ردحذف
    الردود
    1. السلام عليكم ورحمه الله وبركاته
      ال100 كيلو بتاخد حوالي 10لتر بنزين وده طبيعي

      حذف
  15. لوسمحت هيا تنفع لسواق طولة 195سنتيمتر

    ردحذف
  16. انا فكرت اشتري سياره مستعمله على اد الحال ولكن المشوار بتاع السابعه راكب هيكون ب 21 ج والمشوار 10 أو 12 كيلوا وإنا راجع ممكن ارجع بزبوز أو أثنين بالكتير يعني قول رايح جاي 30 ج هتكلفني 2 لتر بنزين مثلا يعني النص بالنص ده غير الزيت وخلافه ومصاريفي ومصاريف البيت أرجوكم أفيدوني

    ردحذف
  17. العربيه يتمشى 8كيلو في اللتر ايه السبب

    ردحذف
  18. حضرتك مقولتش وزن العربيه كام كيلو عشان سمعت انها 750 كيلو ده صحيح ولا وزنها كام كيلو لو سمحت افيدونا

    ردحذف
  19. افضل زيت للمتور اي نوع
    علي كم كيلو يتغير

    ردحذف
  20. عايز اعرف ضبط العربية سوزوكي آذاى كل مدور العربية تبطل منى وشكراً لكم

    ردحذف
  21. السلام عليكم ورحمه الله عايز اعرف بتغيب فى الدوارة صباحا ممكن حد يقولي

    ردحذف
    الردود
    1. في حاجه اسمها شفاط جمب الدريكسيون من نحيه الباب الشمال شدو سنه لي بره هدورمعاك علي طول ولمه تمشي شويه راجعو تاني لي جواه

      حذف
  22. سيارة جميله بس لوشكل الطبلوم اتغير هتبقا احسن

    ردحذف
  23. تغيير الزيت في الزيرو على كام الناس عماله تقولي بتيجي بزيت ١٠٠٠٠ اول ما تيجي هل ده حقيقي؟

    ردحذف
  24. فيها باور ف الطاره ولا مفيش؟

    ردحذف
  25. معايا عربيه ٩٦ بتسخن والصلح بتغيب فى الدواره

    ردحذف
  26. ماء الرداتير حمراء ولا خضرة

    ردحذف
  27. سعر ماتور السزوكي فإن الياباني بكام

    ردحذف