الثلاثاء، 19 أغسطس 2014

الفرق بين البنت والولد في كل شي

الفرق بين كمبيوتر البنت وكمبيوتر الولد 

اولا جهاز البنت

من النظرة الاولى من بعيد للشكل العام للجهاز
تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيحا مام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة

تقلب فى الملفات تلاقى اسماء الملفات عندها جميلة زى

صور اطفال
صور فساتين
صور موضة
افلام رومانسية
اغانى عاطفية

تفتح الهيستورى بتاع الجهاز تلاقيها كانت مشغلة حجات زى

فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية

تفتح الميل بتاعها تلاقيها حاطة نك نيم رقيق زى

بنوتة شقية
دلع
حبوبة
حب عمرى

لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة
والجهاز بيقفل


-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

نخش على اجهزة التماسيح

من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
تلاقى الكيسه مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب

تدخل تقلب فى الملفات تلاقى اسماء الملفات غريبة وعجيبة

حشحش
دحدح
بتنجانة
صور معيز
صور حوادث
مصارعة

و 70% من الملفات هتلاقيها تحت سلسلة اسماء

New Folde11
New Folde12
New Folde13
New Folde14
الى ما لا نهاية


تفتح الهيستورى بتاعه تلاقى اخر حجات شغلها زى

ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين

تفتح الميل بتاعه تلاقيه حاطط نك نيم يرعب البنات

الشيطان 10
البجح
سفاح المعيز
المحشش
كمبورة
عاشق الموت

لو دققت فى تاريخ تسطيب الويندوز ممكن تلاقيه مسطبها قبل متيجى بساعتين

طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون

كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب
طالع عينها مكسوره ومن غير غطا اصلان وتحس ان قطار معدى عليها ومفرومه
************************************************** ****

الفرق بين الولد والبنت فـ الأكل بعد الصحيان من النوم

البنت

...1ـ تغسل وشها وبعدين ايدها بصابون لوكس..وتنشف بكلينكس
2ـ تمشي تاتا باللكلوك لحد ما توصل للمطبخ
.3ـ تاخد طبقها وتروح تقعد فـ اوضتها
4ـ تمسك الملعقةبكل نعومه وتقول بسم الله
5ـ تبدأ بأي حاجه تفتح النفس قبل ما تاكل
6ـ تغرف الرز بالملعقه بحيث لايتجاوز عدد الرزات التي إلتقطتها '17' حبة فقط.
7ـ تمضغ الأكل جيدا بدون إظهار أي صوت
8ـ بعد ما تخلص الأكل تاخد طبقها تدخله بنفس الرقه
9ـ تدخل تغسل ايدها بنفس الصابونه اللوكس تاني ومعجون كلوس اب ف ايدها التانيه
10ـ تدور علي لبان بعد الأكل ولو في تحليه ميضرش

الولد

1ـ يقوم من النوم علي المطبخ عدل وهو مشمر دراعه وحاجبه 111
2ـ احتمال ياكل في المطبخ علي الواقف هو لسه هايروح يقعد جعاااان
3ـ ايده كلها بيغرسها ف الطبق طبعا ولو عي عيش هايقطعه علي شكل ودن قطه
4ـ يجيب مالا يتعدي عن 4 ارغفه يدوب مسح زور
5ـ يمضع الأكل اكنه بيحارب يانا يا اللقمه دي انهارده
6ـ يا حبذا لو في لحمه وفراخ محمرين للتسليه مع الأكل
7ـ يخلص اكل ويرمي الطبق ف الحوض
8ـ هوب بسرعه واحده سفن اب ف السريع يا لذيذ يا رايق يا كوبايه شاي يحبس بيه
9 _ يصدر صوت كزئير الاسد
10ـ ادخل البلكونه بقي يا معلم ولعلك سجاره قبل ما تنزل تقابل المزه
**********************************************


البنت 
1_رايحه جايه قدام المرايه
... ... ... .........2-بتنظف كل البيت زاوية زاوية وركن ركن
3-بتخبي أخواتها الصغيرين عشان ما يفضحوهاش
4-بتنزل للسوبر ماركت بتجيب ب 10 جنيه مولتو و 15 حاجه ساقعه عشان يسلو بقهم
5-بتجيب كل صورها (اللي بتكون حلوة فيهم ) وتشتري ألبوم جديد بدل المقطع إلي عندها وتحطهم فيه


الشاب
وهو قاعد مع صاحبه ينده على امه
اماااا: عندنا شاي ؟؟
امه:لا
احسن برض
************************************************** ****


************************************************** ****

الفرق بين الولد والبنت بعد السقوط ف الامتحان ..

البنت


الأم : سقطتي يا ...............
... ... ... البنت : اسفة ماما "ودموعها حنفية مفتوحه"
الأم : كله من الفيس زفت ده
البنت : لا والله ده انتو لاغيين اشتراك النت قبل الامتحانات
الأم : وكمان بتناقشينى طيب مافيش خروج طول الاجازه
امششششششششى من قدامى " وتحدفها باللى فى ايديها"

الولد بقا

الأم : سقطت يا حماااااار
الشاب : خير وايه الجديد يعني !!
الأم : لا بس عشان اتأكد انك لسه حمااااااار
الشب : طب مانا عارف .. هروح اقعد عالقهوة شوية بقا عاوزة حاجة ؟
الأم : لا شكرا بس لو شفت ابن خالتك سلملي عليه وخليه يقول لامه تيجي شويه
وخلى بالك من نفسسسسك ومتتأخرررررش
Men's Fashion Category

ليست هناك تعليقات:

إرسال تعليق